Abşeron Rayon Təhsil Şöbəsinin müdiri Nazilə xanım Məmmədova - Ölkəmiz pandemiya dövründə birgə mübarizə tədbirlərini həyata keçirməyə xidmət edən bir çox nəcib təşəbbüslər irəli sürdü, eyni zamanda, iqtisadi imkanları zəif olan xarici ölkələrə yardım etməyi özünə mənəvi borc bildi. Bu dövrdə 30-dan çox ölkəyə maliyyə və humanitar yardım göstərilib, eyni zamanda, beynəlxalq təşkilatlara, o cümlədən Ümumdünya Səhiyyə Təşkilatına 10 milyon dollar məbləğində könüllü ianə verilib. Həm Türk Şurasının, həm Qoşulmama Hərəkatının Zirvə görüşləri COVID-19-a həsr edilib. Azərbaycanın sədrlik etdiyi Qoşulmama Hərəkatının üzvlərinin dəstəyi ilə BMT Baş Assambleyasının Xüsusi Sessiyası keçirildi. Dövlətimizin başçısı İlham Əliyev bu çağırışı da etmişdir ki, peyvənd bütün ölkələrin xalqlarına çatmalıdır. Hətta Azərbaycan tərəfindən zəngin ölkələrə kasıb ölkələrin vətəndaşları üçün o peyvəndin alınmasına çağırış olunmuşdur. Bütün bunlar Azərbaycanın digər ölkələrin problemlərinə laqeyd yanaşmadığını, ən çətin anlarda onları tək qoymaq istəmədiyini təsdiqləyir. BMT-nin İnsan Hüquqları Şurasının 46-cı sessiyası çərçivəsində Qoşulmama Hərəkatının sədri qismində Azərbaycanın təşəbbüsü ilə “COVID-19 əleyhinə peyvəndlərə bərabər, məqbul qiymətə, vaxtında və universal əlçatanlığın təmin edilməsi” adlı qətnamə qəbul edildi. Bununla da Azərbaycan növbəti dəfə qlobal həmrəyliyə öz töhfəsini verdi.
*************
Alternativ qeydiyyat mərkəzləri fəaliyyətə başlayıb
Abşeron Rayon Təhsil Şöbəsinin tabeliyindəki ümumi təhsil müəssisələrinin birinci siniflərinə elektron qeydiyyat prosesində valideynlərə kömək məqsədilə Alternativ qeydiyyat mərkəzləri fəaliyyətə başlayıb.
“Biz zəfər qazandıq! Respublika onlayn rəsm müsabiqə-sərgisi”nin rayon mərhələsi keçirilib
Aprelin 20-də “Biz zəfər qazandıq! Respublika onlayn rəsm müsabiqə-sərgisi”nin rayon mərhələsi keçirilib. Rəsm müsabiqə-sərgi şanlı Azərbaycan ordusunun Ali Baş Komandanı İlham Əliyevin rəhbərliyi ilə 44 günlük Vətən müharibəsində qazanılmış qələbəyə həsr olunub. Rəsm müsabiqə-sərgisinin keçirilməyində əsas məqsəd böyüməkdə olan gənc nəsildə vətənə, torpağa məhəbbət hissinin artırılması, hərbi vətənpərvərlik ruhunun təbliği, ölkəmizin işğal altında olan ərazilərinin azad edilməsində ordumuzun və dövlətimizin əldə etdiyi nailiyyətlərin, qazanılan zəfərin bütün Türk dünyasının qələbəsi olduğunu gənc nəslə çatdırılması, Azərbaycan ordusunun Vətən müharibəsində zəfər yürüşü, şanlı qələbəsi və dünya hərb tarixində açdığı yeni səhifə ilə bağlı təhsil alanların maarifləndirilməsidir.
Rəsm müsabiqə-sərgi təsviri sənət nominasiyası üzrə 3 yaş qrupu arasında keçirilib. Rəsm müsabiqə-sərgidə rayon üzrə 36 məktəbin şagirdləri və Uşaq Gənclər İnkişaf Mərkəzinin dərnək üzvləri iştirak edib. Ümumilikdə 74 rəsm işi nümayiş olunub. 4 şagirdin rəsmi rəsm müsabiqə-sərginin final mərhələsində iştirak hüququ qazanıb.
