beynalxalqictimainazaret.az

Ziyəddin Quliyev: Dövlətin şəhid ailələrinə və qazilərə qayğısı davamlıdır

Tarix:4-08-2022, 13:07
Baxış Sayı:521

Ziyəddin Quliyev: Dövlətin şəhid ailələrinə və qazilərə qayğısı davamlıdır


"Azərenerji" ASC-nin vitse-prezidenti Ziyəddin Quliyev - 44 günlük Vətən müharibəsində bizə qələbə sevincini yaşadan Azərbaycanın qəhrəman əsgər və zabitləri oldu. 44 günlük Vətən müharibəsində Azərbaycanın müstəqilliyi və ərazi bütövlüyü uğrunda Ali Baş Komandanın əmri ilə Azərbaycanın bütün rayon və bölgələrindən döyüşə gedən qəhrəman oğullarımızdan şəhid olanları da oldu, qazi olanları da.
Şəhid ailələrinə, qazilərə diqqət və qayğı dövlət siyasətinin prioritetlərindəndir. Azərbaycan dövləti şəhid ailələrinə və qazilərə daim yüksək diqqət və qayğı göstərir. Prezident İlham Əliyev bütün dövlət qurumları qarşısında bu həssas təbəqəyə aid olan insanların problemlərinin həlli məsələsini bir nömrəli vəzifə kimi qoyub. Dövlət başçısının müvafiq Sərəncamı ilə 2021-2025-ci illər ərzində şəhid ailələri, müharibə əlilləri və digər həssas qrupa aid olan insanların mənzillə tam təminatının həyata keçirilməsi üçün dövlət proqramı təsdiqlənib. Bu günə qədər bu həssas təbəqəyə aid olan 13 mindən çox şəxs mənzil və ya fərdi evlə təmin olunub. Bununla yanaşı, qazilərimizin sağlamlığının qorunması, müasir protezlərlə təmin edilməsi, reabilitasiya kurslarını keçməsi və sosial-psixoloji xidmətlərin göstərilməsi sahəsində mühüm addımlar atılır. Bu addımlar həssas təbəqəyə aid olunan şəxslərin sağlamlıqlarını bərpa etməsinə öz töhfələrini verir.
Şəhid ailələrinə və qazilərə dəstək olmaq dövlətlə yanaşı, hər birimizin vətəndaşlıq borcudur. Onlar bizim müstəqilliyimiz və Vətənimizin bütövlüyü uğrunda öz canlarından və qanlarından keçiblər. Unutmayaq ki, 44 günlük Vətən müharibəsində bizə qələbə sevincini yaşadan, ürəyimizdəki 30 illik Qarabağ həsrətini sona yetirən həmin igid və qəhrəman oğullarımızdır.


150 qarabağlı “Azərenerji”nin Qarabağdakı enerji obyektlərində daimi işlə təmin edilib 

Image     “AzərEnerji” işğaldan azad edilən ərazilərdə enerji təminatı ilə yanaşı Cənab Prezident İlham Əliyevin “Böyük Qayıdış” strategiyasına uyğun olaraq sistemli məskunlaşma fəaliyyətini də həyata keçirir. Belə ki, bu günə qədər Qarabağ və Şərqi Zəngəzurda tikilərək istismara verilən 4 su elektrik stansiyası, 9 yarımstansiya və Qarabağ Regional Rəqəmsal İdarəetmə Mərkəzində, ümumilikdə 14 enerji obyekti üzrə işğaldan azad edilmiş rayonların 150-dən çox sakini daimi işlə təmin edilib.
Qeyd edək ki, enerji obyektlərində kadr seçilərkən kimin hansı rayondan olmasına da xüsusi önəm verilir. Belə ki, kəlbəcərli Kəlbəcərdə, ağdamlı Ağdamda və digər rayon sakinləri də həmçinin öz rayonunda işlə təmin edilir. Hətta Şuşada digər qurumların bəzi əməkdaşlarının da məskunlaşdığı binada “AzərEnerji”nin əməkdaşlarından öz ailəsilə birlikdə yaşayanlar var.
Onu da nəzərinizə çatdıraq ki, “AzərEnerji” tərəfindən tikilərək istismara verilən bəzi yarımstansiyaların mühafizə zonasında yaşıllıq, meyvə bağları salınmaqla yanaşı əməkdaşlar üçün yataqxanalar da yaradılıb və hazırda istismara verilmiş bir neçə yarımstansiyaların yanında, o cümlədən tikintisi davam edən Cəbrayıl və Laçındakı yarımstansiyaların ərazisində də yataqxanalar tikilir. “AzərEnerji” Cənab Prezidentin “Böyük Qayıdış” strategiyasına uyğun olaraq qarabağlıların işlə təmin edilməsi üçün sistemli fəaliyyətini bundan sonra da davam etdirəcək
.



ZƏFƏR BÖYÜKBƏYLİ: Milli Qürurdan Beynəlxalq Nüfuza: Prezident İlham Əliyevin Yaratdığı Güclü Azərbaycan Reallığı
ZƏFƏR BÖYÜKBƏYLİ: Milli Qürurdan Beynəlxalq Nüfuza: Prezident İlham Əliyevin Yaratdığı Güclü Azərbaycan Reallığı
Sevinc Baxşəliyeva – İnsan sağlamlığının keşiyində tibb bacısı əməyinin dəyəri
Sevinc Baxşəliyeva – İnsan sağlamlığının keşiyində tibb bacısı əməyinin dəyəri
Abbas Bağırov – “Qələbə Tibb Mərkəzi”ndə elmi biliklə idarəçilik məsuliyyətini birləşdirən direktor
Abbas Bağırov – “Qələbə Tibb Mərkəzi”ndə elmi biliklə idarəçilik məsuliyyətini birləşdirən direktor
Nurlan Həsənov – Abşeronun yerli idarəçiliyində təşkilati əməyin dəyəri
Nurlan Həsənov – Abşeronun yerli idarəçiliyində təşkilati əməyin dəyəri
Ruslan Zöhrabov: Tarixi Zəfərdən Böyük Gələcəyə: Prezident İlham Əliyevin Müəyyənləşdirdiyi Azərbaycan Yolu
Ruslan Zöhrabov: Tarixi Zəfərdən Böyük Gələcəyə: Prezident İlham Əliyevin Müəyyənləşdirdiyi Azərbaycan Yolu
Murad Cənnətov – Bilgəhdə dəqiqlik və diqqət tələb edən işin məsuliyyətini daşıyan mütəxəssis
Murad Cənnətov – Bilgəhdə dəqiqlik və diqqət tələb edən işin məsuliyyətini daşıyan mütəxəssis
Azad müəllim – İnsanlığı, xeyirxahlığı və rəhbərlik məsuliyyəti ilə seçilən şəxsiyyət
Azad müəllim – İnsanlığı, xeyirxahlığı və rəhbərlik məsuliyyəti ilə seçilən şəxsiyyət
İnsan həyatına həsr olunmuş peşəkar ömür – Həkim Sevinc Ağayevanın şərəfli və məsuliyyətli fəaliyyəti
İnsan həyatına həsr olunmuş peşəkar ömür – Həkim Sevinc Ağayevanın şərəfli və məsuliyyətli fəaliyyəti