Binəqədi rayonu ərazisində mütəmadi olaraq abadlıq və cari təmizlik işləri davam edir, həmçinin, Binqədi Rayon İcra Hakimiyyəti başçısının rayon sakinləri ilə keçirdiyi səyyar görüşlər zamanı vətəndaşların qeyd etdiyi və onları narahat edən problemlərin operativ şəkildə həll edilməsi üçün tədbirlər davam edir.17 iyun 2022-ci il tarixində Binəqədi Rayon İcra Hakimiyyətində “Tibb İşçilərinin Peşə Bayramı Günü” münasibətilə tədbir keçirildi
Binəqədi Rayon İcra Hakimiyyətində
“Tibb İşçilərinin Peşə Bayramı Günü” münasibətilə tədbir keçirildi.
Tədbirdə Binəqədi Rayon İcra başçısının müavini Sevinc Süleymanova, Rayon İcra Hakimiyyəti başçısı Aparatının İctimai-siyasi və humanitar məsələlər şöbəsinin müdiri Nicat Allahverdiyev, rayon ərazisində fəaliyyət göstərən tibb müəssisələrinin məsul əməkdaşları iştirak edirdilər.
Tədbiri giriş nitqi ilə açan Sevinc Süleymanova səhiyyə nümayəndələrini 17 İyun-Tibb İşçilərinin Peşə Bayramı Günü münasibətilə təbrik edərək, özünün inkişaf mərhələsini yaşayan Azərbaycan səhiyyəsində uğurla aparılan islahatlardan, maddi-texniki bazanın təkmilləşdirilməsindən, təchizat və kadr hazırlığı ilə bağlı görülmüş işlərdən, Azərbaycan Respublikasının Prezidenti cənab İlham Əliyevin səhiyyəyə göstərdiyi xüsusi diqqət sayəsində bu sahədəki irəliləyişlərdən söz açaraq, ölkəmizdə tibb müəssisələrinin təmir və bərpasının, vətəndaşların pulsuz dərman vasitələri və preparatlarla təmin olunmasının, onların müalicəsinin, regionlarda diaqnostika mərkəzlərinin tikilərək istifadəyə verilməsinin səhiyyə sahəsində aparılan islahatların başlıca istiqamətlərini təşkil etdiyini, bu fədakar peşə sahiblərinin dünyada COVİD-19 pandemiyası, Azərbaycanın Zəfər çaldığı Vətən müharibəsi dövründə böyük fədakarlıqlar göstərdiklərini və eyni zamanda onların da sıralarında mərd oğul və qızlarımızın şəhid olduğunu vurğulayaq, həkimlərimizə böyük ehtiramını bildirdi.
Tədbirdə iştirak edən səhiyyə işçiləri tibb müəssisələrində yaradılan şəraitə və onlara göstərilən diqqətə görə ölkə rəhbərliyinə təşəkkürünü bildirdilər.
Sonda Binəqədi Rayon İcra Hakimiyyəti başçısının müavini Sevinc Süleymanova, İcra Hakimiyyəti başçısı Aparatının İctimai-siyasi və humanitar məsələlər şöbəsinin müdiri Nicat Allahverdiyev rayonun səhiyyə sahəsində səmərəli fəaliyyətinə görə fərqlənən bir qrup tibb işçisinə Rayon İcra Hakimiyyəti başçısının adından Fəxri Fərman və gül dəstələri təqdim etdilər.
Binəqədi Rayon İcra Hakimiyyətinin başçısı Elxan Allahverdiyevin Biləcəri qəsəbə sakinləri ilə növbəti səyyar qəbulu keçirildi
298 nömrəli tam orta məktəbdə Binəqədi Rayon İcra Hakimiyyətinin başçısı Elxan Allahverdiyevin Biləcəri qəsəbə sakinləri ilə səyyar qəbulu keçirildi.
Görüşdə YAP Binəqədi Rayon Təşkilatının sədri Vüsar İsmayılov, Rayon İcra Hakimiyyəti başçısının müavinləri və Aparatın məsul şəxsləri, bələdiyyə və qəsəbə inzibati ərazi dairəsi üzrə nümayəndəliyin əməkdaşları, xidmət sahələrinin rəhbərləri iştirak edirdilər.
Görüşdə iştirak edən Binəqədi rayon sakinləri görülmüş işlərlə bağlı ölkə başçısına öz təşəkkürlərini bildirdilər.
Rayon İcra Hakimiyyəti başçısı ölkə rəhbərinin tapşırıq və tövsiyələri əsasında respublikamızda aparılan sosial-iqtisadi islahatlar, əhalinin rifah halının yüksəlməsi istiqamətində görülən işlər barədə məlumat verərək, görüşdə iştirak edən sakinlərin avtobus dayanacağının yerinin dəyişdirilməsi və avtobus kartları üçün ödəmə terminalının quraşdırılması, köhnə və nasaz avtobusların yeni avtobuslarla əvəz edilməsi, tunelin girişində kanalizasiya xəttinin çəkilməsi və təmiri, məcburi köçkün olan vətəndaşın yaşayış yerinin müvəqqəti dəyişdirilməsi, maddi vəziyyətinin aşağı olması səbəbindən təhsil haqqının ödənilməsi ilə bağlı müraciətlərini dinlədikdən sonra qaldırılan məsələlərin həlli istiqamətində müvafiq tədbirlərin görülməsi ilə əlaqədar aidiyyəti qurumlara müvafiq tapşırıqlar verdi.
Sonda Rayon İcra Hakimiyyətinin başçısı Elxan Allahverdiyev Elektron Hökümət portalı tərəfindən yaradılmış Rəqəmsal İcra Hakimiyyəti platforması barədə vətəndaşlara məlumat verdi, xidmətin əlçatanlıq və üstünlüklərini qeyd etdi.
