2020-ci ildə koronavirusdan dünyada 1227 jurnalist vəfat edib.
“Qafqazinfo” xəbər verir ki, bu barədə “Press Emblem Campaign” (PEC) təşkilatı məlumat yayıb.
Peşə fəaliyyəti zamanı jurnalistlərin həlak olmasını hər il izləyən qeyri-hökumət təşkilatının məlumatına görə, COVID-19-dan dünyasını dəyişən media nümayəndələrinin yarıdan çoxu (668 jurnalist) Latın Amerikasındandır.
Asiyada 281, Avropada 175, Afrikada 56, Şimali Amerikada isə 47 jurnalist COVİD-19-un qurbanı olub. Ölkələrə gəldikdə, COVID-19 səbəbi ilə jurnalistlərin ölüm hallarının əksəriyyəti Braziliyada (187) qeydə alınıb, ondan sonra Peru (140), Hindistan (130) və Meksika (109) gəlir.
