“18 yaşdan yuxarı vətəndaşların vaksinasiyaya qoşulması böyük bir şansdır”.
Bunu səhiyyə nazirinin səlahiyyətlərini icra edən Teymur Musayev Nazirlər Kabineti yanında Operativ Qərargahın birifinqində çıxışı zamanı deyib. O bildirib ki, bu şans əvvəlcə vaksinlərin kifayət qədər çox olduğunu göstərir:
“İkinci məsələ ondan ibarətdir ki, könüllülük prinsipi qorunaraq, eyni zamanda vətəndaş məsuliyyəti hiss edərək cəmiyyətimiz dünyanın qabaqcıl ölkələrindəki kimi vaksinasiya prosesinə kütləvi şəkildə qatılarsa, qısa müddətdə normal həyata qayıtmaq şansı var. Bu şansı əldən buraxmaq olmaz”.
