Bir neçə həftə əvvəl Kanal D-də yayıma başlayan və qısa zaman ərzində populyarlıq qazanan “Camdaki kız” serialı sosial medianın gündəmi olmaqda davam edir.
“Qafqazinfo” xəbər verir ki, psixoloq-yazar Gülseren Budayıcıoğlunun eyni adlı kitabından ilhamlanaraq çəkilən, real həyatdakı hadisədən bəhs edən ekran işi eyni zamanda İngiltərə Kal ailəsinin həyatını xatırladır.
İddiaya görə, serialın motivini həm də Şahzadə Diana- Şahzadə Çarlz – Kamilla ilə bağlı tarixçə də təşkil edir. Həmin məhəbbət üçbucağını Burcu Biricik (Nalan), Feyyaz Şerifoğlu (Sedat) və Hande Ataizi (Cana) canlandırır.
Bundan əlavə, baş obrazın geyimləri Şahzadə Uilyamın xanımı, Kembric düşesi Keyt Middltonun libasları ilə eynilik təşkil edir. Bu müzakirələrdən sonra sözügedən ekran işinin Türkiyədəki real həyatdan, yoxsa Böyük Britaniya Krallığından bəhs etdiyi sual doğurur.
